Ang Wikang Atin

Mula kay: Princess Cruz

Ang buwan ng agosto ay buwan ng wikang Filipino. Sa araw-araw na buhay ng bawat isa, ating ginagamit ang wika upang makipag talastasan, makipag komunikasyon, at maging sa ating pakikisalamuha sa ibang tao. Bakit nga ba ginagamit ang wika? Paano ito nakakatulong sa bawat isa? Marahil marami sa atin ay hindi alam ang halaga nito sa ating buhay. Ngunit nais kong malaman ninyo ang importansya nito.

Bilang isang magaaral, sa ating pagpasok sa paaralan ay kaakibat nito ang paggamit ng ating wika, ang Filipino. Ito ay ginagamit natin sa pakikipag komunikasyon sa ating kamag-aral maging sa ating guro. Ginagamit ito sa marami, kagaya na lamang ng paggawa ng thesis, pagsulat ng sanaysay at iba pang may kaugnayan sa edukasyon. Malaki ang naitutulong ng ating wika sa bawat isa sa atin. Sapagkat ito ay ang bagay na nakapag papaugnay sa mamamayang Filipino. Ang ating sariling wika ay kadikit na ng ating pinagmulan at ito rin ay ang sumasalamin sa ating kultura. Kaya’t ating pakaingatan ito.

Bawat tao ay may kanya kanyang paraan kung paano ipagmamalaki at payayabungin ang sarili nitong wika. Bilang isang Filipino, ating ipagmalaki ang wika natin sa pamamagitan ng paggamit nito nga maayos at may kabuluhan. Gawin nating parte ng ating buhay bilang mamamayang Filipino ang mapalaganap ang kaunlaran at karunungan sa ating paaralan, maging sa ating komunidad.