Dayuhan sa sariling wika

Mula kay: Camille Tormis

"Hi" "Hello" "Goodmorning" "thank you" mga katagang madalas ginagamit ng nakararami. Kultura ng iba ang napayayabong. Mula sa pananamit, sa gawa, sa pagkain at maging sa salita ay iba. Bakit ano ba kayo? Ano ba ang ating wika? Nasaan ba tayo? Hindi ba't tayo'y mga filipino? Nasa Pilipinas na may wikang filipino. Ano nang nangyayari sa ating wika. Paano natin ito matututunan pahalagahan, gamitin at mahalin? Mahal mo ba ang ating wika? Atin itong itaguyod, halina't ibabahagi ko sa'yo kung ano nga ba ang "Filipino: Wika ng Saliksik".

 Ang pananaliksik na ito gamit ang ating wikang filipino ay malaking tulong upang  mapukaw ang natutulog na isipan ng karamihan upang malaman ang sagot sa isang suliranin, Suliranin na unti unting pagkalimot ng wikang filipino. Tila ba'y nagiging dayuhan tayo sa sariling atin dahil sa wikang banyaga na mas nakikilala pa at tinatangkilik ng mga tao. Filipino ako, Filipino ka, Filipino tayo, ang wika natin ay Filipino. Ginagamit sa pang araw araw na pakikisalamuha, sa pakikipagtalastasan at sa paggawa ng saliksik.  Wikang tungo sa kaunlaran at paglaganap ng karunungan. Wikang filipino ay gamitin dahil ito ang daan tungo sa pagkilala sa ating kinagisnan, kultura, bansa. Sa pamamagitan nito ay di na kailanman magging bulag ang ating kapwa filipino.

Mahalin natin ang wikang filipino nang sa gayon ay hindi tayo maging dayuhan sa sariling atin. Wika kung saan tayo umusbong, at kung paano nito napadali ang pagkakaroon ng komunikasyon sa ating kapwa filipino. Gamitin ito hindi dahil napipilitan tayo, gamitin ito dahil mahal natin ang sariling atin, ipagmalaki natin na mayroon tayong sariling wika. Wikang Filipino ang tawag dito. Sana'y naipakilala ko at inyong mapahalagahan ang aking sanaysay na may temang "Filipino: Wika ng Saliksik". Huwag maging dayuhan sa sariling wika.