“Wika ng Karunungan Tungo sa Kaunlaran”

Ni: Rose Mabel Gustilo

Sa  panahon natin ngayon, maraming wikang  banyaga ang nagkalat sa ating bansa. Wikang halos gamitin na nang karamihan at tuluyan ng nakalimutan ang wikang pinagmulan. Maraming nagsasabi na wika ang syang dahilan upang magkaroon ng pagkakakilanlan ang isang bansa. Ang iilan nama'y sinasabing ang wika ang paraan upang magkaintindihan ang bawat isa. Wika rin ang ginagamit bilang batayan ng karunungan at katalinuhan ng bawat mamamayan. Ngunit Ano nga ba talaga ang kahulugan ng wika? Importante nga ba ito sa araw-araw na pamumuhay ng bawat Pilipino? Ang wikang Filipino nga ba ang daan sa pagkalap ng kaalaman na tutulong sa'tin sa upang maabot ang tunay na kaunlaran?

Wikang Filipino, wika ng pagbabago. Ang wikang Filipino ay hindi lamang natatapos sa pagbibigay ng iba't ibang kahulugan nito. Sa patuloy na pagbabagong nagaganap sa ating bansa, nababago na rin ang ating pananaw sa kung paano dapat gamitin ng ang Wikang sariling atin. Ang wikang Filipino ang  kumakatawan sa ating pagkatao. Dito naisasabuhay ang kultura, pananaw, paniniwala at pagkakakilanlan ng isang bansa. Sa bawat araw na lumilipas ay kinakailangan nating gamitin ang wikang pinagmulan natin. Ang wikang nagmula pa sa ating mga ninuno. Sa pamamagitan ng paggamit ng ating wika sa araw-araw nating pakikisalamuha sa ating mga kakilala ay sumisimbolo sa pagbibigay respeto at pagkilala sa mga taong nagpasimula sa paggamit ng wikang ito. Mayroong iilan na nakakalimot sa paggamit ng ating wika. Ang ilan pa sa kanila'y nagsasabi na ang kung ang isang tao ay nakakapagsalita ng ingles, siya ay maituturing na isang matalino. At kung Filipino lamang ang wikang iyong isinasalita, ikaw ay maihahanay sa grupo ng mga mangmang. Isa sa mga baluktot na pananaw ng mga tao patungkol sa wika. Hindi basehan ang wika sa pagiging intelehente ng isang indibidwal. Mas matuturingan pang intelehente ang taong hindi nakakalimot sa wikang kanyang pinagmulan kaysa sa taong ginamit ang ibang wika masabi lang na sila'y matalino,  nakakaangat at may kapangyarihan sa buhay.

Magkaroon man ng malawakang pagbabago sa kasalukuyang panahon na ating ginagalawan, mananatili pa rin buhay ang wika na ating pinagmulan. Ang paggamit ng wika ay hindi sapilitan ngunit ito na ay nakaukit na sa ating damdamin at isipan. Masasabing maunlad ang isang bansa kung ang bawat mamayan ay nagkakaisa. Upang magkaroon ng pagkakaisa ay kinakailangan ng isang wika na siyang magbubuklod sa bawat indibidwal. Sa papamigitan nito makakamit ng bawat isa ang karunungan tungo sa kaunlaran. Mapa- mayaman o mahirap, wikang Filipino pa rin ang dapat na gamitin. Sapagkat magbago man ang lahat, wikang Filipino pa rin ang nararapat.